L'orologio va chiano,
troppo chiano.
'n'ora dura na jurnata
quanno a jurnata 'e lavoro addà finì
e a Napule ce n'amma ij.
'O sole nun vo' tramuntà
- infamone! -
e pare che parea
a facce suffrì aspettanno.
Aspettanno Napule.
Doje ore d'autostrada o poco 'e chiù,
tanto stanno luntano Roma e Napule:
'a capitale 'e nu Paese che nun è Nazione
e 'a capitale 'e 'na Nazione che nun è Paese.
'O finestrino dice che 'e campagne
d''o Sud accumenciano prima
d''a Campania. 'A Frosinone a Capua,
passanno pe' Cassino e Caianiello,
è già Napulitania,
è già casa.
'O casello è affollato, è nu maciello!
Tanta frat' ca tornano a casa
aropp' a 'na semmana 'e lavoro
in giro pe' l'itaglia.
'E machine so' chiene:
valigie e pacchetielli.
Manco doje juorni e n'ata vota chiene
saranno 'ngopp 'e strade verso nord:
chiene 'e prelibatezze d''a terra nostra
e chiene 'e lacrime 'int 'o core.
Facimm 'a tangenziale e ascimm 'a Agnano,
passamm annanz all'ippodromo
e nu ricordo - Bicù vincente! -
me fa turnà aret 'e nu decennio,
a quanno ero guaglione e nun penzavo
ca Napule nu jorno avrei lassato.
____________________________
