Accussì tu te ne vai
luntano d''a sti mani
ch'a mo' fino a dimani
starranno senza 'e te.
'A notte sarrà longa
e gelida, sicuro.
'E mani mej 'int 'o scuro
s'affameranno 'e te.
'E po' verrà dimani
e a famme sarà forte,
"nuje ce sbranamm 'e porte
pe' te putè tuccà!".
E mo' stammo vicino,
e 'e mani te sfiorano,
d''e mani toje se saziano.
Ma nun c'è sazietà
quanno chi tene famme
batte a tutte le ore:
quanno si chiama "Core"
nun ce sta niente a fa'.
Quartine di settenari, con i versi centrali rimati e l'ultimo verso tronco.
____________________________
Nessun commento:
Posta un commento